Sona tambureddhu ‘n’antica viddhaneddha

vogghju ballari cu ‘sta figghja beddha

sona organettu, sona cu allegria

a ffùria ‘i noti mi riventa mia

movi i so’ scianchi comu ‘n’unda ‘i mari

ch’a terra carizza pi’ ppoi rrifardari

movi i so’ peri a spisiddhi ‘i focu

mi si caddia ‘u cori a pocu a pocu

Sona tambureddhu ‘n’antica viddhaneddha

vogghju ballari cu ‘sta figghja beddha

sona organettu, sona cu allegria

a ffùria ‘i noti mi riventa mia

movi i so’ mani a sciusciarolu ‘i sita

m’a pozzu vardari ‘nt’all’occhji comu zzita

movi ‘i me’ peri comu serpi chi ssruzza

e ppoi ‘nt’all’anchi chianu si ‘ntrizza

Sona tambureddhu ‘n’antica viddhaneddha

vogghju ballari cu ‘sta figghja beddha

sona organettu, sona cu allegria

a ffùria ‘i noti mi riventa mia

movi i me’ bbrazza a fogghji r’argentu

m’a pozzu ssrussciari comu sciatu ‘i ventu

vogghju ‘u me’ cori cu iddha ‘ntrizzari

pi’ tutta ‘a vita mi ‘ndi putimu amari

Sona tambureddhu ‘n’antica viddhaneddha

vogghju ballari cu ‘sta figghja beddha

sona organettu, sona cu allegria

a ffùria ‘i noti mi riventa mia.