Rrungulia ‘u ventu

dandelion-463928_640Rrungulìa stasira nu ventu rraggiusu

ll’havi cu ‘stu mundu sempri fitusu

‘sta rrina smuvuta mi trasi ‘nta ll’occhji

e comu ‘na lama mi gghjca i rinocchji …

mi trovu chi preu ‘nta ‘sta ribba deserta

s’intrubula ‘u cori ma ‘a menti sta ‘ll’erta

Rrungulìa stasira nu ventu raggiusu

s’arrivogghja ‘u mari e ppari schjantusu

famigghji ‘llargati, figghjoli drugati

figghji vinduti, figghji jttati

fimmini ruci come preda ‘mmazzati

santi virgulti c’a falci stuprati

Rrungulìa stasira nu ventu raggiusu

cuntra ‘u guvernu latru e mafiusu

‘a lista si ‘llarga, si stira e scunfina

‘a ggenti si ‘spetta ‘na bbuci divina

nuddhu chi pparra, nuddhu chi ssenti

‘ra misera ggenti i tristi lamenti

Rrungulìa stasira nu ventu raggiusu

ggrira ‘stu mari ancor sempri ritrusu

‘nchjana ‘nte stiddhi cu ttanta putenza

cumbògghja ‘sta terra cut tutta ‘a viulenza

scumpari ‘u mundu, scumpari ‘a ggenti

restunu sulu ceddhuzzi cuntenti …

Canta ora ‘u ventu ‘na nenia gloriusa

si rrussigghja ‘a natura sciurendu giojusa.

Rosalba Barcella


Share This Post

Related Articles

Leave a Reply

You must be Logged in to post comment.

© 2021 rosalbabarcella.net. All rights reserved. Site Admin · Entries RSS · Comments RSS
Powered by WordPress · Designed by Theme Junkie

Utilizzando il sito, accetti l'utilizzo dei cookie da parte nostra. maggiori informazioni

Questo sito utilizza i cookie per fonire la migliore esperienza di navigazione possibile. Continuando a utilizzare questo sito senza modificare le impostazioni dei cookie o clicchi su "Accetta" permetti al loro utilizzo.

Chiudi